Friday, 05 March 2021
நியூஸிலாந்து அரையிறுதிக்குள் நுழைந்தது!

நியூஸிலாந்து அரையிறுதிக்குள் நுழைந்தது! Featured

இரு­ப­துக்கு 20 உலகக் கிண்ணத் தொடரில் அரை­யி­றுதி சுற்­றுக்கு முதல் அணி­யாக நுழைந்­தது நியூ­ஸி­லாந்து.

இரு­ப­துக்கு 20 உலகக் கிண்ணத் தொடரில் நேற்று மொஹா­லியில் நடை­பெற்ற லீக் போட்­டியில் பாகிஸ்தான் அணியை 22 ஓட்­டங்­களால் வீழ்த்­திய நியூ­ஸி­லாந்து அணி இல­கு­வாக அரை­யி­று­திக்கு நுழைந்­தது.

நேற்று நடை­பெற்ற போட்­டியில் நியூ­ஸி­லாந்து அணி முதலில் துடுப் ­பெ­டுத்­தாடியது. அதன்­படி மார்டின் குப்­திலும், வில்­லி­யம்­ஸனும் தொடக்கவீரர்களாக கள­மி­றங்­கி­னர். குப்தில் அதி­ரடி காட்ட வில்­லி­யம்ஸன் நிதா­ன­மாக விளை­யா­டினார். குப்­திலின் அதி­ர­டியால் நியூ­ஸி­லாந்து 6 ஓவர்கள் முடிவில் 58 ஓட்­டங்­களைக் குவித்­தது. வில்­லி­யம்ஸன் 17 ஓட்­டங்­க­ளுடன் ஆட்­ட­மி­ழந்தார். இதனை அடுத்து கள­மி­றங்­கிய முன்றோ, அண்­டர்ஸன், ரோன்ஞ் ஆகியோர் சொற்ப ஓட்­டங்­க­ளுடன் ஆட்­ட­மி­ழந்­தனர்.

முக்­கிய கட்­டத்தில் 80 ஓட்­டங்­களைப் பெற்று ஆடிக்­கொண்­டி­ருந்த குப்தில் ஆட்­ட­மி­ழக்க, நியூ­ஸி­லாந்தின் ஓட்ட வேகம் குறைந்­தது. 20 ஓவர்கள் முடிவில் நியூ­ஸி­. 5 விக்­கெட்­டுக்­களை இழந்து 180 ஓட்­டங்­களைக் குவித்­தது.

181 ஓட்­டங்கள் எடுத்து வெற்­றி­பெற்றால் மட்­டுமே அரை­யி­றுதி வாய்ப்பை தக்­க­வைக்க முடியும் என்ற நெருக்­க­டி­யுடன் கள­மி­றங்­கிய பாகிஸ்­தா­னுக்கு, தொடக்க வீரர்­க­ளான

ஷர்ஜில் மற்றும் செஷாட் ஆகியோர் அதி­ரடி ஆரம்­பத்தைக் கொடுத்­தனர். ஒரு கட்­டத்தில் 5 ஓவர்­க­ளுக்கு 1 விக்கெட்டை இழந்து 65 ஓட்­டங்­களைப் பெற்­றி­ருந்­தது பாக். இதில் ஷர்ஜில் (47), செஷாட் (30) ஆட்­ட­மி­ழக்க பாகிஸ்­தானின் ஓட்ட வேகம் குறைந்­தது. அடுத்துவந்த அப்ரிடி 19 ஓட்­டங்­க­ளுடன் வெளி­யேற பாகிஸ்­தானின் தோல்வி உறு­தி­யா­னது.

இறு­தியில் 20 ஓவர்கள் நிறைவில் பாகிஸ்தான் அணி 5 விக்­கெட்­டுக்­களை இழந்து 158 ஓட்­டங்­களை மாத்­திரம் பெற்று 22 ஓட்­டங்­களால் தோல்வியடைந்தது.


Media