இது எமக்கு மிகப்­பெ­ரிய தோல்­விதான். இதை ஈடு­கட்ட எதிர்­கா­லத்தில் இன்னும் அதி­க­மாக உழைப்போம் என்று தெரி­வித்தார் ஒருநாள் மற்றும் டெஸ்ட் போட்­டி­களின் அணித் தலைவர் அஞ்­சலோ மெத்­தியூஸ்.

நியூ­ஸி­லாந்து தொடர் குறித்த ஊடக­வி­ய­லாளர் சந்­திப்­பொன்று நேற்று இலங்கைக் கிரிக்கெட் நிறு­வ­னத்தின் கேட்போர் கூடத்தில் நடை­பெற்­றது. இதில் ஒருநாள் மற்றும் டெஸ்ட் அணித் தலைவர் அஞ்­சலோ மெத்­தியூஸ் மற்றும் இரு­ப­துக்கு 20 அணியின் தலைவர் சந்­திமால், இலங்கை அணியின் பயிற்­சி­யாளர் ஜெரோம் ஜெய­ரத்ன, அணியின் முகா­மை­யாளர் ஆகியோர் கலந்­து­கொண்­டனர்.

இந்தச் சந்­திப்பில் பெரிதும் பேசப்­பட்ட விடயம், வீரர்­களின் நடத்தை குறித்­துத்தான். இதற்கு பதி­ல­ளித்த இலங்கை அணியின் முகா­மை­யாளர், இதை நான் மறுக்­கவும் மாட்டேன் ஏற்­றுக்­கொள்­ளவும் மாட்டேன். விளை­யாட்­டுத்­துறை அமைச்­ச­ருக்கு இது­கு­றித்து ஒரு அறிக்கை சமர்ப்­பிக்­கப்­ப­ட­வுள்­ளது. அதில் அனைத்தும் தெரி­விக்­கப்­பட்­டி­ருக்கும் என்றார்.

அதே­கேள்­விக்கு பதி­ல­ளித்த அஞ்­சலோ மெத்­தியூஸ், இது ஒன்றும் புதி­தல்ல.

தொடர் ஒன்றில் அணி தோல்­வி­ய­டை­யும்­பட்­சத்தில் இது­போன்ற விமர்­ச­னங்­களும் குற்­றச்­சாட்­டுக்­களும் வரும். ஆனாலும் எமது ஓரிரு வீரர்கள் அணியின் சட்­டதிட்­டங்­களை மீறி நடந்­து­கொண்­டார்­கள்தான். அவர்­க­ளுக்கு எதி­ராக உட­ன­டி­யாக நட­வ­டிக்கை எடுக்­கப்­ப­ட­வுள்­ளது.

அதே­நேரம் தொடர் தோல்­வி­கு­றித்து அவ­ரிடம் கேட்­ட­தற்கு, நாம் அனைத்து வித­மான முயற்­சி­க­ளையும் அதே­வேளை பல வியூ­கங்­க­ளையும் செலுத்­தித்தான் விளை­யா­டினோம். ஆனால் அனைத்தும் பய­னற்று போய்­விட்­டது. மூன்று தொடர்­க­ளிலும் தோல்­வி­ய­டைந்­தை­யிட்டு நாம் மிகவும் கவ­லை­ய­டை­கிறோம்.

சங்கா, மஹேல போன்ற அனு­பவ வீரர்கள் இல்­லா­ததின் இடை வெளி இப்­போ­துதான் விளங்­கு­கி­றது. ஆனால் நான் அதைக் கார­ண­மாக சொல்­ல­மாட்டேன். இளம் வீரர் ­களை நாம் அந்த இடத்­திற்கு தயார்­ப­டுத்­திக்­கொள்­ள­வேண்டும். இந்தத் தொடரில் துஷ்மந்த சமீர, வண்டர்சே போன்ற சிறந்த வீரர்களையும் அடையாளம் கண்டுள்ளோம் என்றார்.